Рецептік препараттар

Медицина бір орында тұрмайтыны анық, бүгінгі күні заманауи терапия әдістерінің арқасында біз бірнеше онжылдықтар бұрын күресу мүмкін болмаған ауруларды жеңудеміз. Алайда, медицинада ерекше назар аударуды және ғалымдардың едәуір қатысуын қажет ететін әлі де көптеген шешілмеген міндеттер бар. Онкология, жүрек-қан тамырлары аурулары, офтальмологиялық мәселелер қоғам үшін үлкен сын-қатер болып табылады. Bayer зерттеулері мен әзірлемелері адамдардың өмірін жақсарта отырып, ауыр аурулардың дамуын болдырмауға және бәсеңдетуге қабілетті шешімдерді іздеуге бағытталған.

Инфаркт, инсульт, өкпе артериясының тромбоэмболиясы – осы ауыр және ықтимал өлімге әкелетін аурулардың барлығы тамырларда тромбтар пайда болуының нәтижесі болып табылады. Олар миллиондаған пациенттерді ми жасушаларының зақымдалуына, сал ауруының дамуына, сөйлеу, есту, көру қабілетінің жоғалуына немесе тіпті өлімге әкеледі. Тромбоэмболия мен инсульттің алдын алатын препаратты жасау, – қазіргі фармацевтиканың маңызды міндеттерінің бірі. Бұл жағдайлар – әлемдік статистикадағы мүгедектік пен өлім себептерінің арасында көшбасшылар. Бүгінгі күні бұл міндет Bayer зертханаларында шешімдердің бірін тапты, онда жүрек алды қақпақшасыз фибрилляциясы бар пациенттерде инсульттің алдын алу, веноздық тромбоэмболияны емдеу және оның қайталануының алдын алу, үлкен ортопедиялық операциялардан кейін тромбоздардың алдын алу, сондай-ақ жедел тәждік синдромнан кейінгі пациенттерде миокард инфарктісі мен жүрек-қан тамырлары өлімінің алдын алу үшін революциялық препарат әзірленді.

Bayer ең маңызды міндеті – пациенттердің аурудың өзінен зардап шегуін жеңілдету және олардың өмір сүру ұзақтығын арттыру. Біз ісік жасушаларындағы жеке механизмдерге мақсатталған, қоршаған сау тіндер мен мүшелерге аз әсер ететін препараттарды жасаймыз. Bayer жасаған формулалардың пайда болуы онкофармакологияда төңкеріс жасады, өйткені қатерлі ісіктердің жекелеген түрлерімен күресу үшін бұрын емдік дәрі-дәрмектер болмаған. Бүгінгі таңда Bayer компаниясының онкологиялық қоржыны бауыр, ішек және қуықасты безі қатерлі ісігін емдеуге арналған препараттармен ұсынылған.

көру қабілеті кейде соқырлыққа дейін нашарлайды. Мұның себебі көбінесе тор қабықтың жасқа байланысты макулярлы бүлінуі болып табылады.Жаңа тамырлардың өсуін тежеу арқылы көруді жақсартуға көмектесетін осындай инновациялық препараттардың бірі Bayer компаниясы мамандарының қатысуымен жасалған. Оның артықшылығы нүктелік бағытта: көздің ішіне тікелей инъекция кейбір жағдайларда соқырлықты тоқтатуға көмектесе отырып, препаратты патология ошағына дәл жеткізуге мүмкіндік береді.

XXI ғасыр – әйелдер денсаулығы саласындағы инновациялар уақыты. Соңғы бірнеше жылда Bayer компаниясы эндометриозды және ауыр етеккірлік қан ағуды емдеуге арналған бірнеше революциялық өнімдерді әзірлеп, нарыққа шығарды. Соңғы әзірлемелерге әйелді қалаусыз жүктіліктен қорғап қана қоймай, сонымен қатар болашақ балаларының денсаулығына қамқорлық жасауға мүмкіндік беретін фолаттармен гормоналды контрацепцияны жатқызуға болады.

Аурулардың кәсіби диагностикасы оны сәтті емдеудің кепілі болып табылады. Медицинада қолданылатын бейнелеу әдістерінің кең спектрінде аурулардың терең диагностикалауын жүргізуге мүмкіндік беретіндер ерекше маңызға ие. Компьютерлік томографияда (КТ), магнитті-резонанстық томографияда (МРТ) контрастты құралдарды қолдану диагностика әдістерінің тиімділігін арттыруға және зерттелетін органның құрылымы мен қызметі туралы нақтыланған бейнелеуді алуға мүмкіндік береді. Bayer компаниясы КТ, МРТ, Рентгенхирургия және Позитронды-эмиссиялық томография (ПЭТ) үшін MEDRAD контрастты құралдары мен автоматты инъекторларының ең ірі әзірлеушілері мен өндірушілерінің бірі болып табылады. Бұл құралдар мен бұйымдар заманауи жоғары технологиялық медициналық көмектің ажырамас бөлігіне айналды, олар радиология, кардиология, онкология, неврология және медицинаның басқа салаларында жұмыс істейтін мамандардың кәсіби қызметінің тиімділігін арттыруға ықпал етеді.